პროექტის შესახებ
ბუნების სიმშვიდესა და თანამედროვე კომფორტს შორის განთავსებული Agarani Estate (აგარანის მამული) წარმოადგენს სასტუმრო კომპლექსს, რომელიც აერთიანებს დასვენებას, სპა-სერვისებს, გასტრონომიულ გამოცდილებასა და ბიზნეს ინფრასტრუქტურას. მრავალფეროვანი საჯარო სივრცეები, საკონფერენციო დარბაზები და სარელაქსაციო ზონები ქმნის ჰარმონიულ გარემოს როგორც დასვენებისთვის, ისე კორპორატიული ღონისძიებებისთვის.
პროექტის ფარგლებში განხორციელდა სასტუმროს ყველა სივრცის (ლობის, რესტორნების, დერეფნებისა და საერთო ზონების) სრულმასშტაბიანი BGM (Background Music) სისტემის ინტეგრაცია. მიზანი იყო, მუსიკა არ ყოფილიყო მხოლოდ ფონური ელემენტი, არამედ სივრცის ბუნებრივი გაგრძელება, მშვიდი, დაბალანსებული და აკუსტიკურად გამართული.
პარალელურად, აღიჭურვა ორი დიდი საკონფერენციო დარბაზი, სადაც ბიზნეს-ღონისძიებები, პრეზენტაციები და კორპორატიული შეხვედრები საჭიროებს მკაფიო მეტყველებას, ტექნიკურ სიზუსტეს და სტაბილურ მუშაობას. აქ ჟღერადობა უნდა ყოფილიყო მკვეთრი, კონტროლირებადი და თანაბრად გადანაწილებული მთელ სივრცეში.
პროექტი განხორციელდა GeoVoice Solutions-ის მიერ, სასტუმროს არქიტექტურული ესთეტიკისა და აკუსტიკური თავისებურებების სრული გათვალისწინებით.
გამოყენებული სისტემები: • Bose DesignMax სერიის ჭერისა და კედლის დინამიკები (DM3C, DM2C-LP, DM5C, DM3SE, DM5SE) • Bose PowerSpace P4300A გამაძლიერებელი • Bose ControlSpace EX-1280 ციფრული სიგნალის პროცესორი
ზონირებული აუდიო არქიტექტურა უზრუნველყოფს თანაბარ დაფარვას, სტაბილურ კონტროლსა და დახვეწილ აკუსტიკურ ბალანსს, ისე, რომ მუსიკა ავსებს სივრცეს და არ არღვევს კომუნიკაციის ბუნებრივ დინამიკას.
Agarani Estate (აგარანის მამული) დღეს წარმოადგენს არა მხოლოდ დასვენების სივრცეს, არამედ სრულფასოვან ეკოსისტემას, სადაც თითოეული დეტალი, მათ შორის ჟღერადობა, გადამწყვეტია.
გამოწვევა
სასტუმროს ყველა სივრცეში (ლობი, რესტორნები, დერეფნები და საერთო ზონები) უზრუნველყოფილიყო სრულმასშტაბიანი ფონური მუსიკის სისტემა, რომელიც სივრცის ბუნებრივ გაგრძელებად აღიქმებოდა და არა უბრალო ფონად, ხოლო ორი დიდი საკონფერენციო დარბაზისთვის: მკაფიო, ტექნიკურად ზუსტი და სტაბილური ჟღერადობა ბიზნეს-ღონისძიებებისა და პრეზენტაციებისთვის.
გადაწყვეტა
ზონირებული Bose აუდიო არქიტექტურა: DesignMax ჭერისა და კედლის დინამიკები (DM3C, DM2C-LP, DM5C, DM3SE, DM5SE) სასტუმროს სივრცეებში, Bose PowerSpace P4300A გამაძლიერებელი და Bose ControlSpace EX-1280 DSP პროცესორი, რომელიც უზრუნველყოფს თანაბარ დაფარვასა და სტაბილურ, დახვეწილ აკუსტიკურ ბალანსს მთელ ტერიტორიაზე.